TORREZURI TALDEA - ATENTZIO SOZIOSANITARIO OSOKO ZERBITZUAK.
Enpresaren datuak
- Gerentea:
- Ana Urrutia Beaskoa
- Helbidea:
- Carlos Gangoiti, 22
- Herria:
- Gernika (Bizkaia)
- Telefonoa:
- 94 625 82 88
- Faxa:
- 94 625 82 88
- Jarduera:
- Gizarte eta osasunaren arloko zerbitzuak, mendetasun egoeran dauden pertsonei arreta ematera zuzenduta funtsean.
- Web orria:
- http://www.torrezuri.com
- E-maila:
- grupotorrezuri@grupotorrezuri.com
- Langileen kopurua:
- 20
Empresaren Deskribapena
Torrezuri 1999an sortu zen, osasun eta gizarte nahiz familia arazoak zituzten adinekoei bizi kalitatea emateko helburuarekin. Halaber, babesa, laguntza eta, azken batean, baita bizi kalitatea ere eman nahi izan zitzaien haien senideei.
10 urteren buruan kudeaketa sistema propioa eta berritzailea garatu dugu, eta horrek estatu mailako izen ona ekarri digu gure sektorearen barruan.
Sektoreko beste enpresa batzuen aldean gu bereizten gaituena, hain zuzen ere, gure kudeaketa sistema eta hark ekarriko emaitzak dira:
- Torrezurik eskainitako zerbitzuaren kalitatea balioetan eta kudeaketan berrikuntza garatzean oinarritzen den enpresa kultura ezartzetik sortzen da
- “Sendoa, gizartearekin arduratsua eta berritzailea” den kalitate politika bati uztartutako balioen araberako Kudeaketak aldea ezartzen du bizi kalitatearen lorpenaren bidean, bai kanpoko bezeroarentzat, bai barruko bezeroarentzat. Era horretara ulertzen dira hauek:
- Kanpoko bezeroa: Adinekoa eta haren familia, erakunde publikoak, adinekoekin batera egoten direnak eta lagunak, hornitzaileak eta gizartea orokorrean.
- Barruko bezeroa: Enpresa orokorrean eta bertan lan egiten duten pertsonak, batez ere.
Etorkizuneko erronkak
Gure erronka gure know-how delakoa kanporatzea, ezagutaraztea eta beste enpresa batzuekin partekatzea xedetzat edukita eratu dugun enpresa Taldea finkatzea da.
Orain urtebetetik hona, lanean gabiltza gure kudeaketa sistema berritzailea, “lotura barik” egin duguna, beste zentro batzuetan ere garatu dadin eta kudeaketa kalitatea, bizi kalitatea, duintasuna eta berrikuntza ekar ditzan mendetasun egoeran dauden adinekoen zaintzara.
Uste dugu gizarte zerbitzuak hobetu egin behar direla eskaintzen dituzten zaintzen duintasunean, eta, horretarako, funtsezkoa da kudeaketa sistemak hobetzea eta berritzea.
PREMIEk behar duguna ematen digu, “EFQM kultura” gure enpresan lortzeko
2004 urteko Plan Estrategikoan, enpresak EFQM eredurantz orientatzea erabaki zuen. Lehenengo unetik argi eduki genuen gorentasunerantz egindako gure biran beharrezkoa zela urratsak pixkanaka egitea, irmo eta ziur. Hori dela eta, bidean, "kalitateari buruz hitz egiten" ikasi genuen, eta ISO9000, ISO1400 eta SGE21 (Kudeaketa Etikoa) ziurtagiriak eskuratu genituen. Ondoren, gizarteari guk egindako ekarpena sendotu genuen XERTATU – ADI metodologikoarekin, eta, orain urtebete, PREMIEren ezarpenari ekitearekin, lehenengo urratsa egin genuen EFQM-n lan egiteko gure helbururantz. Horrek ekarri dizkigun hobekuntzak hauek dira:
- Metodo erraza, zuzendaritza estiloa eta gure enpresaren kultura ebaluatu eta hobetzeko.
- Gure bezeroen itxaropenak zeintzuk diren identifikatzeko eta zein neurritan pozten ditugun neurtu eta hori hobetzeko modu berriak.
- Baliabide errazak, enpresaren helburu orokorrak jakinarazteko eta pertsonek horren berri eduki, eta hori lortzen laguntzeko moduaren gaineko iradokizunak egin eta hobekuntzak proposatu ditzaten.
- Lanak besteen eskuetan uzteko eta banaketa berriak egiteko metodoak, erakundeko pertsonen artean.
- Baliabide errazak hausnarketa, plangintza eta garapen estrategikorako. Prozesu horretan erakundeko pertsona guztiek esku hartzen dute.
- PDCA ingurunea aplikatzea barneratzea, enpresako jarduera guztietan.
- Gure enpresa prozesuka behar bezala kudeatzeko behar diren jarduera guztiak antolatzea.
- Pertsona guztiak ohartaraztea beren lanaren zentzua bezeroen itxaropenak betetzen direla lortzea dela.
- Enpresako prozesu guztiei etengabeko berrikuntza aplikatzea.
Arrazoiak
- Globalizazioaren eta etengabeko aldaketen garai honetan ezinezkoa delako lehiakor izatea gure enpresa Industria Iraultzaren hasieran bezala kudeatzen jarraitzen badugu.
- Pertsonen lanbide eta giza garapenean laguntzeko betebehar morala dugulako, eta hori gabe inoiz ezingo genukeelako aurrerantz egin erakunde moduan.
Aholkuak
- Zure enpresaren kudeatzaile modura, zuzendaritza estiloa berrikusi eta hobetzeko prest egon zaitez.
- Eduki ezazu konfiantza zure erakundeko pertsonek balioarengan, eta lortu haiek zuganako konfiantza edukitzea.
- Egon zaitez zure enpresan kudeaketa metodo berriak sartzeko prest
- Pentsa ezazu lorpen eta sari handien atzean esfortzu eta tinkotasun istorio bat egon ohi dela beti, lor daitezkeen helburuak lortzera zuzendutako urrats txikiekin egina.
- PREMIE:
- Kudeaketa zure neurrira
- Kudeatzaile batek behar dituen tresnak
- Pertsonen aldeko apostua
- Kokatu, hitzeman eta hobetzen laguntzen du
- Kudeaketa-metodo berriak sortu
- Zure enpresa ulertzeko eta etekina ateratzeko tresna
- Enpresaren diagnosia
- Antolamendu-eredua
- Etorkizuna kudeatzen